தெய்வீக சக்தியின் அடையாளம் ! செம்பருத்தி மலரின் அற்புதம் !!?
அன்னையின் இதயத்திலிருந்து உதித்த ஆன்மாவின் மலர்!செம்பருத்திப் பூவே ஒரு தெய்வீகப் பிறப்புதான் என்கிறது ஆன்மீகம்!
நமது வழிபாட்டில் செம்பருத்தி என்பது அன்னை காளியூட்டத்திற்கும், துர்க்கைக்கும், விநாயகருக்கும் உகந்த மலராகும். இதன் அடர்ந்த சிவப்பு நிறம், பிரபஞ்சத்தின் ஆதி சக்தியான அன்னையின் உக்கிரத்தையும், அவளது கருணையையும் குறிக்கிறது.
அன்னை காளியின் ஆக்ரோஷமான நடனத்தின் போது அவளது பாதத்திலிருந்து சிதறிய ஒளிக் கதிர்களே பூமியில் செம்பருத்தி மலர்களாகப் பிறந்தன என்றொரு ஆன்மீகக் குறியீடு உண்டு!
சித்தர்கள் தங்களின் ஆன்ம பலத்தை வளர்த்துக் கொள்ள செம்பருத்தி மலரை அதிகம் பயன்படுத்தியுள்ளனர். ‘பிரம்ம ரந்திரம்’ எனப்படும் நமது தலையின் உச்சியில் இருக்கும் சக்கரத்தை மலரச் செய்யும் ஆற்றல் இந்தச் செம்பருத்திக்கு உண்டு.
‘பவிஷ்யோத்ர பிரம்மாண்ட புராணத்தில்’ ஒரு சுவாரஸ்யமான தகவல் உள்ளது. அம்பிகைக்கு 108 செம்பருத்தி பூக்களை மாலையாகக் கட்டி அணிவித்து வழிபட்டால், அவர்களின் குலம் வாழையடி வாழையாக வம்ச விருத்தி அடையும் என்று கூறப்பட்டுள்ளது.
செம்பருத்தி செடி விதைகளால் பெருகுவதில்லை, அதன் ஒரு சிறு துண்டுத் தண்டை வெட்டி மண்ணில் நட்டாலே அது வேர்விட்டுப் புதிய உயிராகப் பிறந்துவிடும்.
இயற்கையின் இந்த ‘மறுவடிவாக்கத் திறனை’ சித்தர்கள் மனித உடலின் ஆற்றலை மாற்றியமைப்பதற்குக் குறியீடாகச் சொன்னார்கள்.
சூரியனைப் போன்ற பிரகாசமான சிவப்பு நிறத்தைக் கொண்டிருப்பதால் சமஸ்கிருதத்தில் இதற்கு ‘ஜபா புஷ்பம்’ என்று பெயர். ஆதித்ய ஹிருதய ஸ்தோத்திரத்தில் கூடச் சூரியனை இந்த மலரோடுதான் ஒப்பிடுவார்கள்.
இப்படி மகத்தான தெய்வீக சக்தி வாய்ந்த செம்பருத்தி மலரை தெய்வங்களுக்கு அர்ப்பணித்து குலம் தலைத்தோங்க நாமும் சிறப்புற்று வாழ்வோமாக!!
