பஞ்ச பூதங்களில் நீருக்கு மட்டும் ஏன் இவ்வளவு சக்தி? – விஞ்ஞான பூர்வமான உண்மை
நீர், நிலம், நெருப்பு, காற்று, ஆகாயம் எனும் பஞ்ச பூதங்களில் நீர் தான் மிகவும் சாந்தமானது போல் தெரியும். ஆனால் உண்மையில் அதுதான் மிகவும் சக்தி வாய்ந்தது. இதற்கு விஞ்ஞான காரணங்கள் உண்டு.
பிரிக்க முடியாத பிணைப்பு – Hydrogen Bonding
நீரின் மூலக்கூறு H2O. அதாவது ஒரு ஆக்ஸிஜன், இரண்டு ஹைட்ரஜன். இவை ஒன்றோடு ஒன்று மிக வலுவாக கைகோர்த்துக் கொண்டு, ஹைட்ரஜன் பாண்டிங் எனும் பிரிக்க முடியாத பிணைப்பால் இணைந்திருக்கும்.
அவற்றை பிரிப்பது அவ்வளவு எளிதல்ல. வெள்ளத்தின் போது பெரிய பெரிய பாறைகளையும், வீடுகளையும் கூட பஞ்சு மிட்டாய் போல தூக்கிச் செல்லும் வலிமை கிடைப்பதற்கு காரணம் இந்த பிணைப்பு தான்.
நெருப்பைக் கூட அணைக்கும் வல்லமை.
நெருப்பு எரிய வெப்பம், எரிபொருள், ஆக்ஸிஜன் மூன்றும் வேண்டும். நீரை ஊற்றும் போது அது ஒரே நேரத்தில் இரண்டு வேலைகளை செய்கிறது:
நீர் நெருப்பில் பட்டதும் நீராவியாக மாற நிறைய வெப்பத்தை உறிஞ்சி விடுகிறது. அந்த நீராவி ஒரு போர்வை போல நெருப்புக்கும் காற்றுக்கும் இடையில் புகுந்து ஆக்ஸிஜனை தடுத்து விடுகிறது. அதனால் தான் நெருப்பு உடனே அணைகிறது.
எல்லாவற்றையும் கரைக்கும் தன்மை – Universal Solvent
நீர் ஒரு சிறந்த கரைப்பான். கடினமான பொருட்களை கூட கொஞ்சம் கொஞ்சமாக கரைத்து, அரித்து, தன்னோடு எடுத்துச் சென்று விடும். நூறு வருடத்தில் ஒரு பெரிய மலையையே கரைத்து பள்ளத்தாக்கை உருவாக்கும் வலிமை நீருக்கு உண்டு.
சுருக்கமாக சொன்னால்,
நிலம் தாங்கும், காற்று தொடும், நெருப்பு எரிக்கும், ஆகாயம் தன் எல்லையை விரிவாக்கிக் கொண்டே இருக்கும். ஆனால் நீர் மட்டும் தான் எல்லாவற்றையும் தொட்டு, அழித்து, மீண்டும் உருவாக்கும்.
அதனால் தான் நம் முன்னோர்கள் பஞ்ச பூதத்தில் நீரை உயிருக்கு சமமாக வைத்தார்கள்.
வள்ளுவர் கூட இதைத்தான்
“நீரின்றி அமையாது உலகு என்று சொன்னார்.
நீர் ஒன்றுதான் நம்மை தண்டிக்கவும் செய்யும். மன்னிக்கவும் செய்யும்.
