காதலும் காமமும் – மிதுனமும் தனுசும், இவர்கள் காதல் வயப்படுவது ஏன்??
எதிர்பாலினத்தவரை பார்த்த உடனே மயங்கக்கூடியவர்கள் மிதுனமும் தனுசும். ( காதலுடன் கூடிய காமமும், காமத்துடன் கூடிய காதலும் ) உடனே பற்றிக் கொள்ளும் பஞ்சும் நெருப்பும் போல இவர்கள் அதிகம் விரும்புவது வீட்டின் சமையலறை மற்றும் குளியலறை.
மிதுனம் என்பது புதன் ஆட்சி. புதன் என்ற கிரகம் உடலை விட நரம்பு மண்டலம், மூளை, உணர்ச்சி தூண்டல் ஆகியவற்றை முதலில் இயக்கும். அதனால் மிதுனத்தவர்களுக்கு எதிர்பாலினத்தை பார்த்த உடனே உடல் காமம் எழுவதில்லை; முதலில் மனம் மயங்குகிறது, அடுத்த நொடியில் அந்த மயக்கம் உடலுக்கு பரவுகிறது. புதன் வேகம் கொண்ட கிரகம் என்பதால் இடைவெளி, காத்திருப்பு, கட்டுப்பாடு ஆகியவை இங்கு வேலை செய்யாது. காதல் உருவாகும் அதே கணத்தில் காமமும் இணைந்து விடுகிறது. இது “காம ஆசை” அல்ல, உணர்ச்சி கிளர்ச்சி. அதனால் மிதுனம் ஒருவரை விரும்பினால், அவர்களிடம் பேசும் விதம், அருகில் நிற்கும் விதம், தொடும் விதம் எல்லாமே உடல் சார்ந்த காமத்தை இயல்பாக தூண்டும். இங்கு கிரகம் செய்வது – நரம்பை கிளறுவது, உடலை அல்ல.
தனுசு என்பது குரு ஆட்சி. குரு என்ற கிரகம் கட்டுப்பாடு, நெறி, தர்மம் என்று சொல்லப்பட்டாலும், அதன் இன்னொரு முகம் அளவில்லா விரிவு. தனுசில் குரு செயல்படும் போது, “இது போதும்” என்ற எல்லை உடைந்து விடுகிறது. எதிர்பாலினத்தை பார்த்த உடனே தனுசின் மனதில் எழுவது காமம் மட்டுமல்ல; அந்த காமத்திற்கு அர்த்தம், நீதி, காதல் எல்லாம் உடனே சேர்க்கப்பட்டு விடுகிறது. அதனால் தனுசின் காமம் குற்ற உணர்ச்சியுடன் வராது. “நான் விரும்புகிறேன் என்றால் அது சரிதான்” என்ற உள்ளார்ந்த நம்பிக்கையோடு வருகிறது. இங்கு கிரகம் செய்வது – ஆசையை பெருக்குவது, அடக்குவது அல்ல.
மிதுனம் புதன் – தூண்டல்.
தனுசு குரு – விரிவு.
இதனால் இவர்கள் இருவரும் எதிர்பாலினத்தை பார்த்த நொடியில் பஞ்சும் நெருப்பும் போல ஆகிறார்கள். புதன் தீப்பொறி கொடுத்தால், குரு அதனை தீப்பரவலாக மாற்றுகிறது. காதல் இல்லாத காமம் மிதுனத்திற்கு பிடிக்காது; காமம் இல்லாத காதல் தனுசுக்கு பிடிக்காது. அதனால் இவர்கள் அனுபவிக்கும் உறவு எப்போதும் கலந்த உணர்வு – பிரித்துப் பார்க்க முடியாத ஒன்று.
சமையலறை, குளியலறை போன்ற இடங்கள் பேசப்படுவது இடத்துக்காக அல்ல. புதன்–குரு சேர்க்கையில் உருவாகும் காமம் திட்டமிடப்பட்டதல்ல, சூழ்நிலை உருவாக்கியது. புதன் திடீர் நேரத்தை தேர்வு செய்கிறது; குரு அந்த நேரத்தை முழுமையாக அனுபவமாக மாற்றுகிறது. அதனால் “எங்கே” என்பதைக் காட்டிலும் “அப்போது” என்பதே முக்கியம். இந்த இடங்களில் தனிமையும், தடையின்மையும் இருப்பதால் கிரகங்கள் தங்கள் இயல்பை முழுமையாக வெளிப்படுத்துகின்றன.
இதில் குற்றம் இல்லை, பாவம் இல்லை.
இது புதன் வேகமும், குரு விரிவும் இணையும் போது உருவாகும் மனித இயல்பு.
{ விதிகளுக்கும் விதிவிலக்குகளுக்கும் உட்பட்டது } அவரவர் ஜனன ஜாதகத்தில் அமைந்துள்ள கிரகங்களுக்கு தகுந்தார் போல் மாற்றங்கள் ஏற்படுவதற்கு வாய்ப்பு உண்டு.
