தன் கணவரின் மரணத்திற்கு பழிவாங்க, தன் சொத்துக்களை விற்று டேங்க் வாங்கி போர்க்களத்திற்கே சென்ற வீரப்பெண்மணி!!?
மரியா ஒக்ட்யாப்ர்ஸ்கயா (Mariya Oktyabrskaya)-வின் வாழ்க்கைக் கதை, நவீன ராணுவ வரலாற்றில் மிகவும் வியப்பூட்டும் வீரச் சம்பவங்களில் ஒன்றாகக் கருதப்படுகிறது.
1941ஆம் ஆண்டு போரில் உயிரிழந்த தனது கணவரின் செய்தி, அவருக்கு இரண்டு ஆண்டுகள் கழித்தே கிடைத்தது. அந்த இழப்பால் மிகுந்த வேதனையும் கோபமும் அடைந்த அவர், தனது அனைத்து சொத்துகளையும் விற்றதுடன், கூடுதலாக எம்பிராய்டரி வேலை செய்து 50,000 ரூபிள் சேமித்தார்.
பின்னர், வழக்கமான அரசு நடைமுறைகளைத் தவிர்த்து, நேரடியாக ஜோசப் ஸ்டாலினுக்கு தந்தி அனுப்பினார்.
அதில் அவர் வைத்த நிபந்தனை தெளிவானது:
“இந்தப் பணத்தை தேசிய வங்கிக்கு நன்கொடையாக வழங்குகிறேன். ஆனால், நான் வாங்கும் T-34 டேங்கிற்கு ‘போயவயா பொத்ருகா’ (Fighting Girlfriend – ‘போராடும் தோழி’) என்று பெயரிட வேண்டும். மேலும், அந்த டேங்கை நானே போர்க்களத்தில் ஓட்ட வேண்டும்.”
இந்த வேண்டுகோளின் பிரச்சார மதிப்பை உணர்ந்த ஸ்டாலினும், சோவியத் அரசும் அதற்கு ஒப்புதல் அளித்தனர்.
மரியாவுக்கு அவசரப் பயிற்சி அளிக்காமல், ஓம்ஸ்க் டேங்க் அகாடமியில் ஐந்து மாதங்கள் கடுமையான பொறியியல் மற்றும் டேங்க் ஓட்டும் பயிற்சி வழங்கப்பட்டது. அவர் சிறப்பான மதிப்பெண்களுடன் பயிற்சியை முடித்தார்.
1943 செப்டம்பரில் 26வது கார்ட்ஸ் டேங்க் பிரிகேடில் சேர்ந்தபோது, அவருடன் பணியாற்றிய பலர் அவரை வெறும் பிரச்சாரத்திற்காக கொண்டு வரப்பட்டவர் என்று நினைத்தனர்.
ஆனால் ஸ்மோலென்ஸ்க் போரில், ஜெர்மன் தாக்குதலால் அவரது டேங்கின் தடங்கள் சேதமடைந்தபோது, உள்ளே இருக்குமாறு வந்த உத்தரவை மீறி, கடும் துப்பாக்கிச் சூட்டுக்குள் வெளியே குதித்து, டேங்கை தானே சரிசெய்து மீண்டும் போரில் ஈடுபட்டார்.
அவரது அசாதாரண துணிச்சலுக்காக அவர் சார்ஜென்ட் பதவிக்கு உயர்த்தப்பட்டார்.
பின்னர் விடெப்ஸ்க் அருகே நடைபெற்ற போரில் அவர் உயிரிழந்தாலும், அவரது நினைவாக அவரது குழுவினர் தொடர்ந்து பயன்படுத்திய மூன்று புதிய T-34 டேங்குகளிலும் “Fighting Girlfriend” என்ற பெயரை எழுதி, வெற்றி நாள் வரை அவரது நினைவைக் கௌரவித்தனர்.
மரியா ஒக்ட்யாப்ர்ஸ்கயாவின் கதை, தைரியம், அர்ப்பணிப்பு மற்றும் நாட்டுப்பற்றின் மறக்க முடியாத அடையாளமாக இன்றும் நினைவு கூறப்படுகிறது.
